शालेय व्यवस्थापन समिती सभेमध्ये आदरणीय सदस्यांना कापडी पिशव्यांची भेट देत कापडी पिशव्यांच्या वापराचा संदेश देताना शाळेचा शिक्षकवृंद

जिल्हास्तरावर क्रीडामहोत्सवात सामील होण्यासाठी आमच्या ४ विद्यार्थ्यांची निवड झाली.

1. गंधार गणेश आयरे 
2. आदित्य दिगंबर संसारे
3. महेश वसंत देवरुखकर 
4. गौरव मधुकर इस्वलकर 

तालुकास्तर क्रीडा महोत्सवात सामील झालेली आमची मुले.

बीटस्तरीय क्रीडामहोत्सवात रमलेले खेळाडू

बीटस्तरीय स्पर्धा - स्थळ - उंबर्डे मराठी शाळा

आमच्या वि. मं. मांगवली नं. १ शाळेचे एकूण सात विद्यार्थी निवडले गेले.

1. ऋतिक रविंद्र आयरे.
2. आदित्य दिगंबर संसारे .
3. गंधार गणेश आयरे .
4. गौरव मधुकर इस्वलकर 
5. महेश वसंत देवरुखकर 
6. कोमल प्रशांत जागुष्टे 
7. सानिका विजय शेट्ये 
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   

मांगवली नं.१ शाळेत १३ डिसेंबर रोजी गोवर रुबेलाचे लसीकरण

आपल्या मांगवली नं.१ शाळेत १३ डिसेंबर २०१८ रोजी गुरुवारी गोवर -रुबेलाचे लसीकरण केले जाणार आहे , तरी कृपया सर्व लाभार्थी विद्यार्थ्यांच्या पालकांनी आपल्या पाल्यासोबत उपस्थित राहावे. ११ वाजल्यानंतर लसीकरण मोहिम सुरु होईल. येताना सर्व मुलांनी पुरेसा नाश्ता खाऊन यावे. उपाशीपोटी आल्यास येताना डबा घेऊन या. भोजनाची वेळ दिड वाजताना असल्याने सर्वांनी शाळेत येऊन डबा खाल्ला तरी चालेल. डोस घेतल्यानंतर अर्धा तास आरोग्य सेवकांच्या देखरेखीखाली राहून नंतर पालकांनी आपल्या पाल्यास घरी घेऊन जाणेस विनंती आहे...आपला विश्वासू , मुख्याध्यापक , वि.मं.मांगवली नं. १

विश्वप्रार्थना

" हे ईश्वरा , सर्वांना चांगली बुद्धी दे , आरोग्य दे, सर्वांना सुखात, आनंदात , ऐश्वर्यात ठेव, सर्वांचं भलं कर, कल्याण कर, रक्षण कर , आणि तुझे गोड नाम मुखात अखंड राहू दे ".........सद्गुरू श्री. वामनराव पै.

आमचे अडुळकरसर

आमचे अडूळकरसर

    मी ३१ मार्च २०१२ रोजी मांगवली नं. १ शाळेत हजर झालो. तेव्हा शाळेत एकूण ९२ मुले होती. शाळेचे मुख्याध्यापक श्री. अडूळकरसर , कडूसर, बावडेकरसर, घुगरेसर, सतीश चव्हाणसर असे आम्ही एकूण ६ शिक्षक होतो. शाळेचे मुख्याध्यापक अडूळकरसर अगदी साधे , पण त्यांच्याबद्दल आमच्या मनात कमालीचा आदर निर्माण झाला. गेली ६ वर्षे ९ महिने त्यांच्यासोबत काम करत असताना खूप काही शिकता आले. त्यांनी आम्हाला कधीही आदेश दिला नाही. आमच्या मनाला लागेल असे कधी बोलले नाहीत. आपल्याला जेवढे जमेल तसे काम करत असताना आपण करून दाखवत आमच्याकडून काम करून घेतले. सतत हसतमुख चेहऱ्याने काम कसे करावे ते मी त्यांच्याकडूनच शिकलो.

    त्यांनी मला कधी दुखावण्याचा प्रयत्न केला नाही. जेव्हा जेव्हा मी प्रॉब्लेममध्ये येईन असे त्यांना वाटले की ते मला त्या गोष्टीची कल्पना देऊन सावध करण्याचा त्यांचा नेहमी प्रयत्न असे. त्यांनी संपूर्ण जबाबदारी स्वीकारून शाळेचे मुख्याध्यापकपद अगदी काळजीपूर्वक भूषविले. कोणालाही उलट बोलून आपले मोठेपण सिद्ध करण्याचा त्यांनी कधीही प्रयत्न केला नाही. परिपाठापासून संध्याकाळच्या वंदे मातरम् पर्यंत सर्व उपक्रमांमध्ये सक्रीय सहभागी होत त्यांनी मुख्याध्यापकपदाची शान कायम ठेवली.

    शांतपणाने येणाऱ्या समस्यांना तोंड देण्याची पद्धत त्यांची नेहमीची सवय बनली होती. त्यांनी नेहमी आपल्या विद्यार्थ्यांना नावानिशी हाक मारली. आपली जबाबदारी दुसऱ्याकडे देताना त्यांनी आदेश न देता विनंतीच केली. सर्वांशी नेहमी आदरपूर्वक वागणे आणि कोणालाही न दुखावणे ही त्यांची हातोटी होती. त्यांच्यासोबत शैक्षणिक उपक्रमांना मिळालेली साथ अत्यंत मोलाची अशीच होती.

आमच्या कौटुंबिक कार्यक्रमानाही त्यांनी बऱ्याचदा हजेरी लावून नातेसंबंध दृढ करण्याचा प्रयत्न केला आणि यशस्वीदेखील ठरले.कधी कधी आम्हा शिक्षकांनाही ज्येष्ठ शिक्षकांचे मार्गदर्शन हवे असते, ते मार्गदर्शन आम्हाला अडूळकरसरांकडूनच लाभले. छोट्या शाळेतून कामाची सुरुवात असल्याने व एकशिक्षकी शाळेत अनेक वर्षे काम केल्यामुळे प्रशासकीय कामाचा उरक त्यांच्याइतका मला कुठेही बघायला मिळाला नाही. आर्थिक बाबींमधील पारदर्शकता वाखाणण्यासारखी होती. मी सर्व उपक्रमात सहभागी व्हावे यासाठी त्यांची असलेली तळमळ मला स्पष्ट दिसत होती. माझ्या दैनंदिन कामात कोणताही व्यत्यय येऊ नये याची ते जाणीवपूर्वक काळजी घेत. मी न करू शकलेली कामे ते कोणतीही कुरकुर न करता करत. त्यामुळे मलाच लाज वाटून मला पुढच्यावेळी ती कामे करण्यासाठी प्रयत्न करावे लागत. अशा प्रकारे तावून सुलाखून गेल्याने मला अधिक चांगलेपणाने काम करण्यासाठी घडवण्यात त्यांचा बराच वाटा आहे असे म्हटल्यास वावगे ठरणार नाही.

रजा हवी असली की लगेच मंजूर करून मला जाण्याची परवानगी देत असत. स्वतः रजेवर जाताना आम्हाला आधी कल्पना देऊन सर्व कामांचे नियोजन सांगूनच जात असत. आर्थिक कामांचा हिशेब लगेचच करून स्वतःच्या खिश्यातील पदरमोड करण्याची त्यांची सवय आम्ही विसरू शकणार नाही. प्रत्येक कार्यक्रम नियोजनपूर्वक होण्यासाठी त्यांची धडपड त्यांच्या चेहऱ्यावर दिसे. येत असलेले दडपण त्यांनी आम्हाला कधी दाखवले नाही.आमचे चुकले तरी आमच्या चुका पोटात घालण्याची त्यांची सवय आम्हाला माहित होती. आमच्याकडून चुका झाल्या तरी त्याची जबाबदारी ते मुख्याध्यापक म्हणून स्वतः स्वीकारत असत.

शाळेला कोणत्याही अधिकाऱ्याची भेट होणार असेल तर त्यांची तयारी सुरु होई. बारीक बारीक तपशीलवार माहितीचे संकलन करून त्यांनी आलेल्या अधिकाऱ्यांचे समाधान करताना मी स्वतः पाहिलेले आहे. आम्हाला आता त्यांची इतकी सवय झाली आहे की दुसरे मुख्याध्यापक स्वीकारताना मला तर खूपच त्रास होईल. आज मुख्याध्यापक म्हणून काम पाहताना त्यांनी दिलेली शिकवण लक्षात ठेवूनच मला पुढील वाटचाल करावी लागेल. कार्यमुक्त होऊनही क्रीडास्पर्धेतील त्यांचे वावरणे नेहमीसारखेच दिसले. आमच्या शाळेला यापुढे अनेक मुख्याध्यापक येतीलही पण अडूळकरसरांची सर त्यांना नक्कीच येणार नाही. असे आमचे अडूळकरसर आमच्या शाळेतून बदली झाल्यानंतर त्यांची उणीव आम्हाला कायम भेडसावत राहणार आहे.

आमच्या अडूळकरसरांना मंगेश्वर देवाच्या कृपेने दिर्घायु लाभो अशी प्रार्थना करतो.

 

लेखन : प्रवीण कुबलसर , पदवीधर शिक्षक , मांगवली नं. १

मांगवली हायस्कूल मध्ये शिकणारा कु. सोहम अनंत सुतार व कु. अपर्णा मंगेश कोलते यांनी तालुकास्तर विज्ञान प्रदर्शनात ' प्रश्नमंजुषा' स्पर्धेत प्रथम क्रमांक प्राप्त केला. त्यांना मांगवली नं. १ शाळेकडून पुढील जिल्हास्तरीय वाटचालीसाठी हार्दिक शुभेच्छा.

असे विचार ठेवू नका की ,मला रस्ता चांगला मिळावा, उलट असा विचार करा , की मी जिथे पाय ठेवीन तो रस्ता चांगला होऊन जाईल. कारण जो आपल्या पावलांच्या योग्यतेवर विश्वास ठेवतो तोच शिखरावर पोहोचतो.

आमची शालेय व्यवस्थापन समिती - मांगवली नं. १

1. श्री. राजेंद्र चंद्रकांत कोलते - अध्यक्ष 
2. सौ. रुपाली सुरेश पाटील - उपाध्यक्षा
3. सौ. वैभवी प्रशांत पांचाळ - ग्रा. पं. सदस्या
4. सौ. विद्या विजय गांगण - शिक्षणतज्ञ
5. श्री. महेश रामदास संसारे - सदस्य
6. सौ. रजनी रविंद्र आयरे - सदस्या
7. सौ. रेश्मा रमेश कांबळे - सदस्या
8. श्री. मधुकर दिनकर जावडेकर - सदस्य
9. सौ. संध्या अजय जावडेकर - सदस्या
10. श्री. कृष्णा महादेव कांबळे - सदस्य
11. सौ. प्रियांका प्रवीण जावडेकर - सदस्या
12. सौ. प्रज्ञा प्रदिप लिंगायत - सदस्या
13. श्री. पांडुरंग शिवराम राणे - सदस्य
14. श्री. विवेकानंद सुभान कडू - शिक्षक सदस्य
15. कु. ऋतिक रविंद्र आयरे - विद्यार्थी सदस्य
16. कु. अक्षता अंकुश संसारे - विद्यार्थिनी सदस्या
17. मुख्याध्यापक वि. मं. मांगवली नं. १ - सचिव.
    

केंद्रस्तरीय स्पर्धेत प्रास्ताविक करताना सन्माननिय केंद्रप्रमुख श्री.विजय केळकरसाहेब

वेंगसर केंद्रस्तरीय बाल कला, क्रीडा व ज्ञानी मी होणार महोत्सव मांगवली नं.१ शाळेत झाला उत्साहात संपन्न

कार्यक्रमाला उपसभापती हर्षदा हरयाण, समाजकल्याण सभापती शारदा कांबळे , माजी सभापती हरिश्चंद्र हरयाण, या माजी सभापती सुवर्णा संसारे, वेंगसर सरपंच रामदास पावसकर, दत्तात्रय बेळेकर, कोकण विद्या प्रसारक मंडळाचे अध्यक्ष श्रीधर राणे, वैभववाडी खरेदी- विक्री संघाचे अध्यक्ष महेश संसारे, मांगवली उपसरपंच संतोष इस्वलकर , शाळा व्यवस्थापन समिती अध्यक्ष राजेंद्र कोलते , केंद्रप्रमुख विजय केळकर , शिवाजी नाटेकर, विद्या गांगण, आरती नागवेकर इ.पदाधिकारी प्रामुख्याने उपस्थित होते.